Charles McGonigal, ish-kreu i kundërzbulimit të FBI-së në Nju Jork, i akuzuar se nuk ka deklaruar para të marra nga një ish-punonjës i inteligjencës shqiptare, mund ta zgjidhë ccështjen e tij pa gjyq.
Deklaratën e ka bërë për CNN avokati i McGonigal, Seth DuCharme. Vetë McGonigal është deklaruar i pafajshëm për të dyja aktakuzat. Komentet e DuCharme sugjerojnë se prokurorët e qeverisë dhe avokatët e McGonigal mund të bashkëpunojnë për një marrëveshje mes palëve për pranimin e fajësisë në këtë rast. Një seancë e radhës është përcaktuar për më 13 shtator. Kjo çështje solli kaos dhe akuza në Parlament dhe politikën shqiptare.
Amerikani McGonigal përballet me dy akuza në Shtetet e Bashkuara të Amerikës, një në Nju Jork dhe një në Uashington D.C., ku në rastin e parë akuzohet se ka ndihmuar Oleg Deripaska, një oligark rus nën sanksione, me qëllim që të hiqet nga lista e biznesmenëve të sanksionuar nga qeveria e Shteteve të Bashkuara. Akuzat tjetër lidhet me dy shqiptarë.
