Ukraina ishte “kafshatë” e lehtë për ‘tre luanët’, teksa fituan ndeshjen e dytë radhazi për “Euro 2024” dhe renditen me pikë të plota, pas triumfit të mesjavës ndaj Italisë. Fiton me ‘set’ edhe Islanda në transfertë dhe Sllovenia në shtëpi.
Anglia siguroi fitoren e dytë radhazi në eliminatoret e Euro 2024 pas asaj 1-2 përballë Italisë në Napoli. Ndërkohë që festuan edhe Islanda dhe Sllovenia.
Skuadra e Gareth Southgate mposhti 2-0 Ukrainën në mitikun “Wembley”, duke u ngjitur në kuotën e 6 pikëve të plota në grupin C.
Golat e fitores u realizuan në pjesën e parë. I pari nga Harry Kane (37’) pas krosimit të Bukayo Saka. Kapiteni gjeti golin numër 55 me kombëtaren e “Tre Luanëve”.
Tri minuta më vonë erdhi edhe goli i sigurisë. Saka gjti trekëndëshin e portës ukrainase me një “sallake” fantastike. Anglia menaxhoi avantazhin e dyfishtë deri në fund.
Islanda shkatërroi 0-7 modestët e Lihtenshtajnit në transfertë, duke gjetur fitoren e parë në grupin J. Sllovenia triumfoi 2-0 ndaj San Marinos dhe regjistroi suksesin e dytë radhazi në grupin H.
k.a. / dita
