Tre studio arkitekturore janë zgjedhur si finaliste të konkursit ndërkombëtar projektimi, rikonceptimi i kompleksit të stadiumit “Qendra e re e Korçës” dhe sot po prezantojnë projektet.
Ato janë ARCHEA Associati (Itali), BOFILL Architecture (Spanjë) dhe CEBRA (Danimarkë).
“Kërkesa që u kemi bërë arkitektëve është të shohin përtej fushës së blertë dhe shkallëve të stadiumit. Duke ofruar më shumë sesa thjesht aktivitetin e ndeshjeve të ditës së diel” tha kryeministri Rama në fjalën e tij para prezantimit të projekteve.
Kryeministri zbulon ambicien për ta kthyer këtë stadium në mundësi optimale që skuadrat europiane të kalojnë këtu periudhat e tyre përgatitore.
“Për të transformuar sportin dhe futbollin në radhë të parë në një mundësi të shtuar për turizmin duke ofruar infrastrukturë e logjistikë për skuadrat e huaja që do të vijnë të stërviten në Shqipëri. Unë besoj se Korça do të jetë e para në këtë rrugë të re dhe zhvillime të reja, si mundësi optimale që skuadrat europiane të kalojnë këtu periudhat e tyre përgatitore që do të sjellë vlerë të shtuar ekonomiko financiare për qytetin”, tha Rama.
Gjithashtu zbuloi dhe objektivin ambicioz: “Në 2025 do të organizojmë në Shqipëri kampionatin Europian të futbollit për të rinjtë”.
”Prandaj në 2025 do të jemi gati me stadiumet të reja, që i shtohen stadiumi “Selman Stërmasi” në Tiranë që do të ribëhet tërësisht po me këto principe e do të vijojmë më tutje”, bëri me dije kryeministri tha Rama.
Për të realizuar këtë objektiv është i domosdoshëm dhe bashkëpunimi me pushtetin vendor.
“Me rifillimin e punës së të gjitha bashkive do të duhet një koordinim më i mirë dhe një bashkëpunim më i ngushtë pasi në këtë rast nuk kemi problem financimin por koordinimin me pushtetin vendor për të vënë në dispizicion terrene të përshtatshme dhe që bëjnë sens”, tha më tej Rama.
p.k\dita
