Presidenti i SHBA-së Donald Trump ka njoftuar në një postim në platformën Truth Social, se udhëheqësit e Izraelit dhe Libanit do të zhvillojnë bisedime. Sipas tij, ky është komunikimi i parë midis dy palëve pas 34 vitesh.
“Ne po përpiqemi të krijojmë një armëpushim midis Izraelit dhe Libanit. Ka kaluar shumë kohë që kur dy udhëheqësit folën, rreth 34 vjet. Do të ndodhë nesër. Shkëlqyeshëm!” tha Trump.
Trump nuk specifikoi se cilët liderë do të flisnin, por duket se po i referohej kryeministrit Benjamin Netanyahu dhe presidentit libanez Joseph Aoun.
Administrata Trump ndihet “optimiste” në lidhje me perspektivat për një marrëveshje me Iranin, tha Shtëpia e Bardhë, duke vënë në dukje se një raund i dytë i mundshëm bisedimesh ka të ngjarë të zhvillohet në Islamabad.
Zhvillimi vjen në një kohë tensionesh në rritje në Lindjen e Mesme. Libani është përfshirë në konfliktin e lidhur me luftën SHBA-Izrael me Iranin, pas rifillimit të sulmeve ndaj Izraelit nga organizata pro-iraniane Hezbollah më 2 mars. Operacionet izraelite që pasuan vlerësohet se kanë shkaktuar më shumë se 2,000 vdekje dhe zhvendosjen e mbi një milion njerëzve.
j.l./ dita
