Presidenti i SHBA-së, Donald Trump, njoftoi të enjten se do t’u urdhërojë departamenteve dhe agjencive të qeverisë federale të gjejnë dhe publikojnë dosjet mbi alienët dhe objektet fluturuese të paidentifikuara (UFO), diçka që ai thotë se disa amerikanë e kanë kërkuar për dekada të tëra.
“Duke pasur parasysh interesin e jashtëzakonshëm që është shprehur, unë do t’i drejtoj Sekretarit të Luftës (red. Pete Hegseth ) dhe të gjitha departamenteve dhe agjencive të tjera përkatëse që të fillojnë procesin e gjetjes dhe publikimit të të dhënave qeveritare që lidhen me jetën jashtëtokësore, fenomenet ajrore të paidentifikuara dhe objektet fluturuese të paidentifikuara”, tha manjati nëpërmjet Truth Social.
Sipas mediave të huaja, mësohet se republikani akuzoi paraardhësin e tij demokrat Barack Obama për zbulimin e informacionit të klasifikuar kur tha gjatë një podkast , ndoshta me shaka, se alienët ekzistojnë vërtet.
“Nuk e di nëse (alienët) janë të vërtetë apo jo”, megjithatë, ish-presidenti demokrat bëri një gabim të madh”, tha manjati republikan, i cili nuk humbet kurrë një mundësi për të kritikuar paraardhësin e tij. Në fund të podkastit që u transmetua gjatë fundjavës, Barack Obama iu përgjigj një pyetjeje në lidhje me ekzistencën e alienëve duke u shprehur se, po ata ekzistojnë vërtet por nuk i kishte parë.
Ai shtoi se, për aq sa di ai, nuk ka asnjë objekt nëntokësor të përdorur për të fshehur ekzistencën e tyre ai po i referohej Zonës 51 , bazës së Forcave Ajrore Amerikane në Nevada, subjekt i teorive të pafundme konspirative.
j.l./ dita
