Ministrat e rinj të qeverisë këtë të martë do të bëjnë edhe betimin e tyre para Presidentit të Republikës Bajram Begaj, pas votimit një ditë më parë në Parlament dhe të nisin detyrën e re.
Deri më tani në Presidencë për t’u betuar kanë qenë Albana Koçiu, e cila betohet si ministre e Shëndetësisë dhe Anila Denaj që është në krye të Bujqësisë tashmë.
Në Presidencë ndodhet edhe Igli Hasani, që ka marrë postin e Olta Xhaçkës në krye të ministrisë së Punëve të Jashtme dhe Ogerta Manastirliu që tashmë do të jetë në krye të ministrisë së Arsimit.
Gjithashtu në Presidencë për betim është edhe Arbian Mazniku, ministër për Pushtetin Vendor.
Ndërkohë, i vetmi ministër që akoma nuk është votuar nga Kuvendi ministri i ri i propozuar për postin e ministrit të Financave.
Votimi i tij pritet që të bëhet të enjten dhe më pas ai të bëjë edhe betimin në Presidencë.
Emrat e ministrave që ikin dhe të atyre që vijnë:
Ministër i Financave dhe Ekonomisë – Emërohet Ervin Mete; Largohet Delina Ibrahimaj
Ministër Shteti për Sipërmarrjen dhe Klimën e Biznesit – Emërohet Delina Ibrahimaj; Largohet Edona Bilali
Ministre e Shëndetit dhe Mirëqenies Sociale – Emërohet Albana Koçiu; Largohet Ogerta Manastirliu
Ministër i Arsimit dhe Sporti – Emërohet Ogerta Manastirliu; Largohet Evis Kushi
Ministër për Europën dhe Punët e Jashtme – Emërohet Igli Hasani; Largohet Olta Xhaçka
Ministër i Bujqësisë dhe Zhvillimit – Emërohet Anila Denaj; Largohet Frida Krifca
Ministër i Pushtetit Vendor (Ministri e re): Emërohet Arbjan Mazniku
Ministria e Shtetit për Standardet dhe Shërbimet (Shkrihet) – Largohet Milva Ekonomi.
j.l./ dita
