Viruset gripale po qarkullojnë masivisht së fundmi. Sipas ekspertëve, janë 17 500 raste në javë me grip në të gjithë vendin.
Grupmosha më e prekur janë fëmijët dhe mosha aktive. Sipas bluzave të bardha, gripi po shfaqet më agresiv se më parë.
Është evidente temperatura e lartë, sidomos ditët e para, ndërsa ka pacientë të tjerë që fillojnë me një kollë, dhe temperatura shfaqet ditën e dytë apo të tretë.
Në disa raste ka dhimbje fyti, dhimbje gjoksi dhe kollë të fortë. Mund të zgjasë 3-5 deri 7 ditë tek personat me imunitet më të dobët.
Specialistët bëjnë apel që pas shfaqjes së siptomave të tregohet kujdes duke qëndruar nën kujdes intensiv në shtëpi, për të mos kaluar në gjendje të rëndë deri dhe në shtrim spitalor.
Lëngje dhe ushqime të shëndetshme, janë primare. Neglizhenca dhe keqtrajtimi duhen shmangur. Keqtrajtim është kurimi me antibiotik që në ditët e para.
Nga ana tjetër ekspertët e ISHP rekomandojnë vaksinimin antigrip për kategoritë e riskuara.
o.j/dita
