Zëvendëspresidenti i SHBA-së J.D. Vance mbërriti në Pakistan për bisedime me Iranin. Ende pa nisur takimi, Teherani theksoi se që të ketë dialog, duhet të pranohen kushtet që ai ka vendosur.
Sipas mediave iraniane, nëse Uashingtoni pranon “kushtet” e Teheranit, një armëpushim të menjëhershëm në Liban dhe lirimin e fondeve iraniane jashtë vendit, negociatat do të fillojnë pasditen e së shtunës.
Vetë Vance, në deklaratat në fillim të udhëtimit të tij, kishte dërguar një mesazh të qartë se SHBA-të janë të gatshme të zgjatin dorën e bashkëpunimit nëse iranianët veprojnë me mirëbesim.
Megjithatë, ai shtoi se nëse ata përpiqen që t’i mashtrojnë, SHBA-të nuk do të tregojnë gatishmëri për t’u përgjigjur. Ndërkohë, Izraeli dhe Libani po përgatiten për bisedime në SHBA të martën.
j.l./ dita
