Seç ia thotë bilbili,
lart në Martanesh:
“Këtu palët kurrë,
Nuk u morën vesh!”
Ç’po ia thotë bilbili,
Në mes të Tropojës:
“Këtu nuk përfillen,
Rregullat e lojës!”
Dhe vazhdon bilbili,
Poshtë e nga Dhërmiu:
“Shqipes nuk iu shqit,
nga këmbët Saliu!”
Ç’po këndon bilbili,
Te ara, te ledhi:
“Kush merr një karrige,
Mendon si të vjedhi!”
Ç’po ia thotë bilbili,
Pa zhurmë e pa bujë:
“Këtu situata,
Është rrokopujë!”
Dhe vazhdon bilbili,
Kujën si përpara:
“Në tym e në mjegull,
Ne ecim përpara!”
Ç’po ia thotë bilbili,
Përmbi fshatin tim:
“Ngjyrat e partive,
S’kanë asnjë kuptim!”
Nuk pushon bilbili,
Dimër edhe verë:
“Idetë dhe programet,
Nuk kanë asnjë vlerë!”
Seç u ngjit bilbili,
Në majë te Dhëmbeli:
“Garon maskarai,
Konkurron dembeli!”
E gjithë politika,
U kthye estradë,
Cdo zgjedhje e kthen,
Në një maskaradë!
