Kreu i inteligjencës ukrainase, Vasyl Malyuk është i kërkuari numër një i Rusisë, që besohet të jetë ndër ata që janë përgjegjës për masakrën e Moskës në Crocus City Hall më 22 mars.
Ministria e Jashtme ruse i kërkoi Kievit ta arrestonte atë, pasi ka prova për përfshirjen e tij.
Kush është Vasyl Malyuk
I lindur më 28 shkurt 1983 në Korostyshiv, Rajoni Zhytomyr, ai u diplomua për drejtësi në Akademinë Kombëtare të Shërbimit të Sigurisë të Ukrainës dhe shërbeu në agjencitë e sigurimit shtetëror në vitin 2001.
Karriera e tij ushtarake, në departamente më të ndjeshme të Inteligjencës, ka qenë vazhdimisht në rritje.
Katër vite më parë ai u emërua nënkryetar i parë i Drejtorisë kryesore të SSU për Luftën kundër Korrupsionit dhe Krimit të Organizuar.
Në Mars 2020, me dekret presidencial, Vasyl Malyuk u emërua nënkryetari i parë i SSU – Shef i Drejtorisë kryesore të SSU për Luftën kundër Korrupsionit dhe Krimit të Organizuar.
Në vitin 2022, me dekret presidencial, ai u emërua nënkryetari i parë i SSU dhe më pas ushtrues detyre i kreut.
Për performancë të shkëlqyer në kuadër të shërbimit në zonën ATO, ai mori Çmimin Presidencial për pjesëmarrje në operacionin antiterror.
Ai gjithashtu fitoi disa çmime, në veçanti stemat SSU “Për Guxim dhe Për Trimëri”, një simbol nderi i Shërbimit të Sigurisë së Ukrainës.
Më pas ai mori një nga çmimet më të rëndësishme për guximin personal dhe veprimet vetëmohuese në mbrojtjen e sovranitetit shtetëror dhe integritetit territorial të Ukrainës. Iu dha “Urdhri i Guximit”, i klasit III dhe Dekorata Presidenciale e “Kryqit të Meritës Ushtarake”.
Gradat e tij ushtarake janë Gjeneral Major, i caktuar me dekret presidencial të 1 dhjetorit 2022 dhe gjeneral-lejtnant i caktuar me dekretin presidencial № 3/2024 të 6 janarit 2024.
Lidhja me masakrën e Moskës
Veprimet hetimore të kryera nga autoritetet kompetente ruse tregojnë se gjurmët e sulmit terrorist në sallën e qytetit Crocus në Krasnogorsk më 22 mars “çojnë në Ukrainë”.
Sipas agjencisë ruse të lajmeve Tass, kjo është deklaruar nga Ministria e Punëve të Jashtme të Federatës Ruse.
“Akti i përgjakshëm terrorist i kryer më 22 mars në qytetin e Krasnogorsk dhe që tronditi mbarë botën nuk është sulmi i parë terrorist kundër vendit tonë në vitet e fundit. Veprimet hetimore të kryera nga autoritetet kompetente ruse tregojnë se gjurmët e të gjitha këtyre krimeve të çojnë në Ukrainë”, tha Ministria e Jashtme ruse.
Rusia kërkon gjithashtu që Ukraina të ndalojë menjëherë mbështetjen e terrorizmit, të ekstradojë autorët dhe të kompensojë viktimat.
Sipas Ministrisë së Jashtme, shkelja e konventave kundër terrorizmit do të çojë në përgjegjësinë e Kievit.
“Lufta kundër terrorizmit ndërkombëtar”, nënvizon ministria “është detyrë e çdo shteti. Rusia kërkon që regjimi i Kievit të ndërpresë menjëherë çdo mbështetje për aktivitetet terroriste, të ekstradojë përgjegjësit dhe të kompensojë viktimat. Shkelja e detyrimeve të Ukrainës sipas konventave kundër terrorizmit do të rezultojë në përgjegjësinë e saj ligjore ndërkombëtare”.
Ministria e Punëve të Jashtme të Federatës Ruse “i ka kërkuar Ukrainës arrestimin e kreut të 007 ukrainas Vasyl Malyuk”.
b.m/dita
