Sporti përsëri në zi. Lajm i tmerrshëm nga Kampionati Botëror i Rally. Piloti Craig Breen, 33 vjeç, ka vdekur në një aksident teksa bënte një provë me markën e tij ‘Hyundai’, në një rrugë të asfaltuar në Poloni. Irlandezi po përgatitej për “Rally Kroaci”, i cili do të zhvillohet javën e ardhshme. Ka qenë vetë kompania ajo që e ka bërë publike ngjarjen përmes një deklarate ku thuhet si më poshtë:
“Hyundai Motorsport është thellësisht i pikëlluar për të konfirmuar se shoferi Craig Breen ka humbur jetën sot pas një përplasjeje gjatë testimit paraprak për Rally Croatia. Bashkëdrejtuesi James Fulton nuk u lëndua në incidentin që ndodhi pak pas mesditës së kohës lokale. Hyundai Motorsport dërgon ngushëllimet më të thella për familjen, miqtë dhe shumë fansa të Craig. Hyundai Motorsport nuk do të ketë asnjë koment të mëtejshëm në këtë moment”.
Ai ishte i dyti në Suedi
Breen, 33 vjeç, po bënte disa prova për raundin e katërt të Kampionatit Botëror të WRC, Rally Croatia. Ai ishte shoferi i tretë për Hyundai, një markë në të cilën u kthye këtë vit pasi kishte qenë në M-Sport Ford. Pikërisht, në Rally Suedez ai përfundoi i dyti në debutimin e tij në 2023 me koreanët. Ky është pozicioni më i mirë që ai kishte marrë në një ngjarje të Kupës së Botës, duke barazuar atë që arriti në Suedi 2018, Estoni 2020 dhe 2021, Belgjikë 2021 dhe Sardenjë 2022.
