Një tjetër futbollist ka ndërruar jetë në mënyrë të papritur në Spanjë dhe këtë herë jo në fushën e lojës. Viktima siç raporton “AS” është Diego Fumero, i riu i Torremolinos, vetëm 19 vjeç dhe i cilësuar si një nga talentet e të ardhmes së futbollit spanjoll. Ai luajti në ekipin e të rinjve Juventud Torremolinos, në Grupin IV të RFEF-së së Dytë. Së fundmi ai ishte aktiv në ekipin e Costa del Sol. Diego Fumero, me origjinë nga Tenerife, ishte me familjen e tij duke kaluar disa ditë me pushime, kur papritur ndodhi akti fatal. Disa media bëjnë me dije se shkak është një atak në zemër, edhe pse në moshë kaq të re dhe rrethanat mbeten të dyshimta.
Torremolinos bëri dhe deklaratë: “Sot është një ditë shumë e trishtuar për klubin tonë. Ka ndërruar jetë lojtari ynë i Juvenil A, Diego Fumero. Ai së fundmi iu bashkua klubit kur erdhi për të studiuar në Malaga nga Tenerife. U prefsh në paqe”. Futbollisti i ri, i cili ishte në ekipin e parë të kategorisë së të rinjve, kishte talent dhe progres dhe vdekja e tij është dërrmuar. Lajmi ka tronditur të gjithë qytetin, duke prodhuar një varg mesazhesh mbështetjeje dhe ngushëllimi.
