Kryebashkiaku i Tiranës, Erion Veliaj pas më shumë se shtatë orësh ka dalë nga ambientet e Prokurorisë së Posaçme.
“Falenderoj kolegët e SPAK. Ky takim më ka krijuar bindjen që është bërë një investim i mbarë në Shqipëri. Isha me dy hetues profesionistë. Isha këtu si bashkëpunues. Patëm një ezaurim total të çështjes së inceneratorëve. Më kërkuan që disa detaje të mos bëhen publike për gazetarët për shkak të sekretit hetimor. Armiqtë e mi besoj ndihen më të lehtësuar”, deklaroi Veliaj.
“E vetmja gjë që duhet të bëjmë është të forcojmë institucionet. Të mos bëjmë rolin e tyre si prokurorë e gjyqtarë, por të bashkëpunojmë. Kisha kohë që kisha kërkuar një takim” – shtoi kryebashkiaku i Tiranës.
Ai u shkëput më pas nga grupi i gazetarëve që e prisnin para Prokurorisë së Posaçme dhe iu drejtua godinës së Bashkisë për mbledhjen e Këshillit Bashkiak.
n.s. / dita
