Kryetari i Bashkisë së Tiranës, Erion Veliaj, ka ndarë sot me ndjekësit e tij në rrjetet sociale një nga projektet më ambicioze për arsimin e lartë në kryeqytet, ndërtimin e Kampusit Universitar në zonën e Qytetit Studenti.
Ai thekson se prej kohësh po punohet për realizimin e këtij kampusi modern, që pritet të shndërrojë Qytetin Studenti në një hapësirë model për studentët që ndjekin studimet në Tiranë. “Transformimi i konvikteve në 📍Qytetin Studenti është një nga historitë tona të suksesit në një dekadë. Por, puna jonë aty ende s’ka mbaruar. 💪🏻
Sot dua t’ju njoh me super projektin e Kampusit Universitar në Qytetin Studenti, për të cilin kemi disa kohë që punojmë e që mezi pres ta bëjmë realitet për studentët, që ndjekin studimet në Tiranë. 👩🏻🎓🧑🏻🎓
Nuk më besohet se si nga një hapësirë e zaptuar nga ndërtimet pa leje, kjo hapësirë studentore po merr një tjetër dimension si fakt i punës sonë të jashtëzakonshme”, shkruan ndër të tjera kryebashkiaku.
Projekti i ri parashikohet të përfshijë mjedise bashkëkohore për studim, banim dhe shërbime mbështetëse, duke ndihmuar në rritjen e cilësisë së jetesës studentore dhe përmirësimin e infrastrukturës arsimore në qytet.
