Gjykata e Europiane e e Drejtësisë me seli në Luksemburg, ka marrë më datën 30 prill një vendim shumë të rëndësishëm, që mund të kthejë nga e para një sërë dosjesh të mëdha ndaj krimit të organizuar dhe korrupsionit në Shqipëri, që kryesisht hetohen nga SPAK.
Bëhet fjalë për një vendim mbi të ashtuquajturat përgjime encrochat, pra të marra nga aplikacione të ndryshme online si SKY, Telegram, Whatsapp etj etj.
Në një informacion që sjell në një shkrim të tijin avokati i njohur, Gurali Brahimllari, bëhet e ditur se Gjykata e Luksemburgut, ka vendosur për të gjithë përgjimet encrochat, që të kenë statusin e njëjtë me përgjimet e tjera audio apo video. Që do të thotë, se këto përgjime, nuk quhen apriori prova, por indicie për të shkuar tek prova, e organet hetimore në këtë rast, si dhe prokuroria duhet të sjellë prova te tjera për të justifikuar akuzën.
Në shkrimin e avokatit Gurali Brahimllari, bëhet e ditur ndërmjet të tjerave se Gjykata Europiane e Drejtësisë, ka marrë shkas pikërisht nga dosja e letër porosisë së policisë franceze, që ka çuar më pas pas hekurave një numër të madh personazhesh në Shqipëri, deri edhe emra të njohur të administratës shtetërore, apo edhe jetës publike si ish-prokurorë, oficerë të lartë të politisë, por edhe personazhe të ambjenteve që kanë eksperiencë me problematikën me ligjin.
Në materialin e avokatit Brahimllari, theksohet ndërmjet të tjera se “Gjykata Europiane Drejtësisë (Dhoma e Madhe), në datën 30/04/2024, shpalli VENDIMIN për çështjen C-670/22, duke përcaktuar se transkriptet e ardhura nga autoritet gjyqësore franceze përbëjnë “përgjime të telekomunikacionit”. Ky vendim i GJED-së lidhet me kërkesën e Gjykatës së Berlinit (Gjermani), mbi disa problematika të zbatimit në vendet e ndryshme të BE, të transkripteve të përgjimeve të komunikimeve të platformës Encrochat të cilat janë kryer prej autoriteteve franceze nëpërmjet një paisje teknike që ka depërtuar në trafikun e komunikimeve të bazuara në internet.
Në këtë vendim, Gjykata edhe pse konfirmon parimin e njohjes reciproke të vendimeve gjyqësore të vendeve anëtare, duke e cilësuar këtë parim “gurin themelor” të bashkëpunimit gjyqësor në çështjet penale, kërkon që provat e dërguara nga gjykata franceze me Urdhërin Europian të Hetimit Penal, të verifikohen nga autoriteti gjyqësor i vendeve të tjera, nese janë marrë në përputhje me procedurën e parashikuar nga legjislacioni i brendshëm dhe nëse janë në harmoni me parimet e të drejtës së shtetit përkatës.
Një vendim i qartë, që kërkon një shqyrtim të provave në sallëën e gjyqit nga trupa gjyqësore shqiptare në rastin tonë, çka mund të sjellë një rishikim nga e para të një numri të madh procesesh, që nga Metamofroza e me radhë, ku kemi një numër shumë të madh personazh që qëndrojnë në burg.
Avokati Brahimllari, në analizën e vendimit të Gjykatës Europiane, bën të ditur se “Gjykata e BE përcakton mbrojtje më të thellë të këtyre të drejtave sepse, duke interpretuar nenin 14(7) të Direktivës, imponon gjykatësin penal kombëtar që, në kuadër të një procedimi penal të nisur në ngarkim të një personi të dyshuar për veprime kriminale, të mos i konsiderojë si provë informacionet e ardhura, nëse të dyshuarit dhe mbrojtes së tij nuk u jepet mundësi të bëjnë mbrojtje efektive, apo të paraqesin në mënyrë efikase verejtjet e tyre, për këto informacione, të cilaj kanë ndikim thelbësor në vlerësimin e fakteve”.
Por çdo të ndodhë me proceset e nisura deri më sot, që si bazë kanë letër porositë të bazuara në përgjimet e aplikacioneve online? Gjasat janë që çdo rast të vijojë në mënyrë individuale, nga kërkesat që pala mbrojtëse mund të kërkojë aplikimin e vendimit të Gjykatës Europiane.
b.m/dita
