Kreu i grupit parlamentar të PD, Enkelejd Alibeaj deklaroi mbrëmjen e së hënës se PD i ka emrat e kandidatëve për 61 bashkitë që do të garojnë në zgjedhjet e 14 majit.
Alibeaj, pas përfundimit të mbledhjes së kryesisë dhe mbledhjes së grupit parlamentar u shpreh se u diskutua për emrat për kryetar bashkie.
“PD ka një kandidat, ndërsa kandidatët e tjerë janë me logo të tjera”, tha Alibeaj, ndërsa shtoi se kandidatët e primareve janë të mirëpritur që t’i bashkohen.
“Nuk janë të kryetarit të komanduar të partisë por të strukturave të PD. Diskutimi ishte për emrat këshilltarët dhe kryetar bashkie. Ka një vendim të kryesisë me datën 2 dhe 4 nëntor të vitit të kaluar, do të marrim pjesë në zgjedhje. Procesi është një proces në vazhdim.
Ky proces siç është parashikuar, bazohet në statutin e partisë. Ajo se çfarë është diskutuar, ka qenë në vijim të asaj se çfarë ka qenë qëndrimi ynë. Kandidatët e primareve janë të mirëpritur. PD s’ka sesi të ketë dy kandidatë, ka vetëm një kandidat.
Kandidatët e tjerë mund të jenë me logo të tjerë, logon e Partisë së Lirisë, apo logon e PS-së. Të marrësh demokratët dhe ti çosh në një parti tjetër, sipas rregullave të statutit është e papajtueshme me pozicionin qëndrimin dhe anëtarësinë e PD-së. Sali Berisha, nuk është çështje personale por e identitetit të PD-së”, tha ndër të tjera kryetari i komanduar i PD Enkelejd Alibeaj.
m.b./dita
