E dërguara e SHBA në Tiranë, Nancy Van Horn mori pjesë në konferencën e IKP dhe KPK, e zhvilluar pas 7 viteve “Vetting”, ndërkohë që Prokuroria e Posaçme Antikorrupsion mori sot kompetencat e Komisionerit Publik.
Van Horn theksoi se të gjithë shqiptarët duhet të jenë krenarë për arritjet e sistemit të drejtësisë, ndërsa i bëri thirrje SPAK që të vijojë të hetojë korrupsionin në vend.
“Që nga viti 2018 komisionerët kanë punuar me zell për të parë integritetin e gjyqtarëve dhe prokurorëve, ju keni vendosur një standard që mbahet si shembull jo vetëm në Europë por edhe vende të tjera. Proces i vështirë, por premtues për një shoqëri më të drejtë për gjithë qytetarët.
Ka pasur rezistencë ndaj reformës në drejtësi dhe kjo vazhdon edhe sot në disa vende. Komisionerët kanë bërë sakrifica të mëdha si profesionale edhe vetjake, kanë marrë vendime jo popullore. Kanë treguar guxim të jashtëzakonshëm për t’u përballur me hakmarrjen për këto vendime shkarkimi.
Populli i Shqipërisë duhet ta dijë se zyrtarët e qeverisë do japin llogari dhe kjo do vazhdojë falë punës së mirë të shqiptarëve trima si ju.
Festojmë këtë gur kilometrik të shkëlqyer të arritjeve të organeve të vettingut sot. Rivlerësimi s’ka përfunduar, kërkesa e popullit shqiptar për drejtësi është po aq e fortë sa në 2016. Prokurorët në SPAK po luftojnë për të çuar para gjykatës bosët e krimit dhe figurat të larta të korruptuara.
Ju nxis të gjithëve ju që ndodheni sot që të ndiheni krenarë për të këto arritje. Mbetet më shumë për të bërë, ju keni ndërtuar institucionet të reja të drejtësisë në emër të popullit shqiptar. E rëndësishme t’i përdorni në masën e duhur, duhet të jeni efikasë, të pavarur dhe të paanshëm. Ne jemi me ju…”
i.b./dita
