Adi Krasta, moderatori i emisionit që transmetohet në Syri.net, “A Krasta Show” thotë se kandidati i primareve në PD, Belind Këlliçi është një kandidat i dobët sepse kompleksohet nga fakti se është dhëndër në PS.
“Njeriu që do të hyjë në një luftë për të marrë Tiranën është kapur në një logjikë shumë të çuditshme. Vjehrri i tij [Artan Shkreli] është drejtues i Institutit te Ndërtimit, i cili ka dhene vendimin se duhet te prishet [Teatri]. Bëhet vulnerabël ky. Kryetari i Bashkisë, rivali i tij, thotë: ‘E kemi dhëndër të PS-së’, e komplekson akoma më shumë. Që në sekondën që një njeri është kaq i dobët (i referohet Belind Këlliçit), a ka shans të mendohet që ky njeri kaq i dobët mund të fitojë nesër?”, u shpreh Krasta gjatë emisionit në Syri.net.
