Sot po zhvillohet mbledhja online e Komisionit të Ligjeve, ku incidenti kësaj here ndodhi nga pjesëmarrësit në Zoom dhe jo nga deputetët e opozitës.
Deputeti socialist Jurgis Çyrbja, i cili ishte në cilësinë e relatorit të pr/ligjit për ratifimin e marrëveshjes me Gjermaninë e kapi e qeshura dhe nuk mundi ta prezantonte fare pr/ligjin.
Siç shihet nga videoja, Çyrbja ndodhet në zyrë nga ku bëri lidhjen online, me një person tjetër i cili duket se e bën të qeshë. E qeshura e tij ka infektuar të gjithë deputetët që kishin hyrë në Zoom.
Çyrbja nuk arriti të ndalonte të qeshurën, derisa doli nga platforma online.
Më pas leximi i relacionit për Projektligj “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Qeverisë së Republikës Federale të Gjermanisë, për bashkëpunim financiar 2020 për projektin “Programi i performancës dhe investimeve në sektorin e ujërave, pjesa e dytë (infrastruktura komunale, faza V, pjesa II)” u bë nga Denisi Deliu i cili e justifikoi me ‘defekt teknik’ largimin e Jurgis Çyrbes nga Zoom.
j.l./ dita
