Një nga rojet e nderit në Pallatin Elize në Paris është rrëzuar përtokë papritur në një rënie që të ngjall frikë.Ngjarja ka ndodhur ndërsa Makron po priste te shkalët mbërritjen e presidentit të Sllovakisë. Vetë Makron dhe të tjerë kanë vrapuar për ti ardhur në ndihmë.
Bën përshtypje që vetë kolegu i gardistit, bën një lëvizje të vetme por kthehet menjëherë në pozicion. Sjellja e tij që rri si “i ngrirë” edhe kur shoku i tij rrëzohet nuk është papërgjegjshmëri apo mungesë empatie, por rrjedhojë e protokollit ushtarak jashtëzakonisht strikt të Gardës Republikane (La Garde Républicaine).
Ka tre arsyet kryesore ushtarake dhe ligjore për këtë reagim.
Gjatë ceremonive zyrtare, gardistët janë në pozicionin e quajtur “Garde à vous” (gatitu ceremonial). Udhëzimi kryesor i protokollit thotë se ushtari nuk lejohet të prishë formacionin ose të lëvizë nga pozicioni i tij për asnjë arsye pa marrë urdhër të drejtpërdrejtë nga komandanti i togës. Braktisja e postit konsiderohet shkelje e rëndë ushtarake.
Në një protokoll mbretëror apo presidencial, çdo person ka një detyrë të vetme. Për Rojet e Nderit detyra e vetme është ruajtja e sigurisë, postit dhe dinjitetit të ceremonisë.
Për emergjenca mjekësore (si gjendja e të fiktit apo ftohja nga qëndrimi i gjatë në këmbë), janë caktuar protokolle të veçanta ku stafi civil, mjekët ose ndihmësit e protokollit futen menjëherë për të dhënë ndihmë (siç bëri edhe Presidenti Macron me stafin e tij). Nëse gardisti tjetër do të ulej për ta ndihmuar, posta e sigurisë do të mbetet tërësisht e pambrojtur dhe formacioni do të shpërbëhej.
Gjendja e të fiktit shkaktohet nga syncope vasovagal — bllokimi i qarkullimit të gjakut nga të ndenjurit palëvizur për orë të tëra me gjunjë të mbërthyer. Protocoli ushtarak mëson ushtarët se nëse ndjen se po të merren mendtë, duhet të rrëzohesh përpara “si dërrasë” pa thyer formacionin. Rojet përreth nuk duhet të reagojnë apo të kthejnë kokën, pasi çdo lëvizje krijon kaos vizual dhe prish solemnitetin e ngjarjes shtetërore.
o.p. / dita
