Pak pas ndalimit nga Policia Rrugore teksa udhëtonte me 305 km në orë në tunelin e Kalimashit dhe ku për pak sa nuk shkaktoi aksident, Aleks Vishaj ka nënshkruar edhe procesverbalin e efektivëve në fund. I riu, që njihet edhe si mik i këngëtarit Arkimed Lushaj, i thirrur edhe me emrin e artit “Stresi”, është justifikuar se nuk ka qenë drejtues i mjetit luksoz ‘Lamborghini’ në momentin që u xhirua video duke ecur me 305 km/h në tunelin e Kalimashit, ku rrezikuan jetën e të tjerëve.
“Nuk kam qenë unë drejtues mjeti në videon që është publikuar”, ka shkruar Vishaj. Ai gjithashtu ka publikuar në Tik-Tok edhe videon teksa shoqërohet në polici. Vishaj shfaqet i qetë, duke dëgjuar muzikë, teksa tymos cigare dhe i bën me 2 gishta njerëzve në rrugë.
