Një grup vajzash mundohen të pengojnë lëvizjen e policisë pranë Galerisë së Arteve. “Hiqni kapelet”, dëgjohen t’u thonë ato policisë. Në krye të tyre qëndrojnë aktivistët e njohur të ‘flamingove’, përfshirë Arvina Lleshin.
Momentalisht janë vendosur Ministria e Infrastrukturës dhe Bashkia e Tiranës dhe po u bashkohen qytetarë e të rinj të tjerë. Policia është përpjekur t’i shpërndajë protestuesit me spray me piper në momentin kur hedhin gurë. Pranë është një autobot që hedh ujë ose gaz lotsjellës.
Në hyrje të institucioneve janë marrë masa për të mos pasur depërtime të protestuesve.
Policia e Shtetit u ka bërë apel nxënësve dhe prindërve të distancohohen nga aktet e dhunshme. Rama deklaroi për “Reuters” se nuk do ta jap dorëheqjen. Protestuesit thyen edhe sot një nga dyert e Ministrisë së Arsimit, por policia i zmbrapsi me gaz lotsjellës. Në protestën e një nate më parë, u arrestuan 55 persona, 98 të tjerë po procedohen penalisht.
