Në prag të ndeshjes së Kombëtares me Çekinë, tifozët kuqezi kanë “pushtuar” Tiranën.
Nga anë e mbanë trojeve, shumë shqiptarë janë mbledhur në kryeqytet për t’u dhënë zemër djemve të Silvinjos.
Tepër të zjarrtë janë “Plisat”, të cilët janë mbledhur në zonën e ish-Bllokut, duke brohoritur me shprehje dhe vargje patriote, ku nuk mungojnë flakadanët, fanellat, dhe dajreja karakteristike dhe tradicionale.
Shumë prej tifozëve, të moshave të ndryshme, shihen me një plis në kokë, dhuratë atyre që do të ndjekin live në stadium ndeshjen e cila do të sigurojë biletën e Shqipërisë për në “Euro2024”.
Rrugët janë të bllokuara nga makinat, ndërsa shihet edhe një numër i lartë i forcave të policisë për të siguruar rendin dhe sigurinë.
