Një ambulancë është shkatërruar dhe është përfshirë nga flakët pas një sulmi në Teheran, sipas raportimeve të agjencisë iraniane Fars, e lidhur me Korpusin e Gardës Revolucionare Islamike.
Sipas raportimit, ambulanca u godit gjatë një sulmi izraelit në kryeqytetin e Iranit. Pamjet e publikuara tregojnë një automjet të urgjencës në flakë, ndërsa një person me uniformë emergjence përpiqet të shuajë zjarrin.
Grupi i agjencisë raportoi gjithashtu se ambulanca po kalonte në një rrugicë në zonën Tehranpars në lindje të Teheranit dhe u ndal papritur pas një shpërthimi të fortë.
Deri tani nuk ka reagim zyrtar nga ushtria e Izraelit për incidentin. Raportimet mbështeten në burime mediatike iraniane.
j.l./ dita
