Një sasi tritoli ka shpërthyer në një lokal në lagjen “Fermentim” në Shkodër, në orët e para të mëngjesit të sotëm.
Ka qenë pronari i lokalit, shtetasi F. K., 65 vjeç, i cili ka njoftuar policinë, se kur ka shkuar për të hapur biznesin e tij ka konstatuar të thyer xhamin e derës të këtij biznesi.
Nga shpërthimi nuk ka pasur të lënduar por janë shkaktuar vetëm dëme materiale.
Nuk ka ende një pistë hetimi, pasi pronari nuk njihet si një person problematik. Ai thotë se edhe vetë pronari ka shprehur habi pasi ka theksuar se nuk ka asnjë konflikt me askënd.
Njoftimi i Policisë:
Shkodër/Informacion paraprak
Rreth orës 05:50 të mëngjesit të sotëm, shtetasi F. K., 65 vjeç, banues në lagjen “Skënderbeg”, Shkodër, ka njoftuar se kur ka shkuar për të hapur biznesin e tij (bar-kafe), ka konstatuar të thyer xhamin e derës të këtij biznesi.
Nga veprimet paraprake të kryera nga grupi hetimor, dyshohet se para derës së këtij lokali, është hedhur një sasi e vogël lënde plasëse (amonit malor i prodhuar në mënyrë artizanale).
Grupi hetimor, në bashkëpunim me Prokurorinë, vijon punën në vendngjarje me qëllim zbardhjen e rrethanave të kësaj ngjarje, si dhe për identifikimin e kapjen e autorit/ëve.
j.l./ dita
