Sot është një ditë e rëndësishme për të gjithë shqiptarët, pasi zhvillohen zgjedhjet lokale në të gjithë vendin.
Ndërkohë, që “ethet” e garës kanë nisur në çdo bashki, kryeministri Edi Rama ka zgjedhur që t’i urojë shqiptarëve një të diel të bukur përmes një video të publikuar në rrjetet sociale.
Në këtë pamje shfaqet instalacioni më i ri i vendosur në shëtitoren Taulantia të qytetit të Durrësit, ku shumë turistë shihen teksa bëjnë foto.
“MIRËMËNGJES dhe një të diel të bukur si zemra juaj”, ka shkruar ai krahas videos.
Kujtojmë që Rama është deputet në qarkun e Durrësit, pasi në zgjedhjet e vitit 2021 mes Vlorës dhe Durrësit, zgjodhi këtë të fundit.
Nga ana tjetër, për bashkinë e këtij qyteti aktualisht është një garë e fortë, mes Emirjana Sakos së Partisë Socialiste dhe Igli Carës nga koalicionin “Bashkë Fitojmë”.
Kjo video mund të jetë dhe një mbështetje e kryemistrit për kandidaten socialiste në këtë ditë vendimtare.
j.l./ dita
