Ambasada Amerikane në Shqipëri ka reaguar pas vizitës së Sekretarit Amerikan të Shtetit në Tiranë, Antony Blinken, ku thotë se pohoi se Shqipëria është kryesore në përballimin e sfidave që mund të përballemi
Gjithashtu në reagim, Ambasada shorehet se Blinken uri në dukje se lidhjet e biznesit vazhdojnë të rriten dhe diskutoi nevojën për të vazhduar forcimin e reformës së pavarur në drejtësi si pjesë thelbësore e nxitjes së rritjes ekonomike dhe përpjekjeve për pranimin në BE.
Reagimi i plotë:
Sekretari i Shtetit i SHBA Antony Blinken u takua me Presidentin e Shqipërisë Bajram Begaj, Kryeministrin Edi Rama dhe anëtarë të qeverisë gjatë vizitës së tij historike në Shqipëri dje. Sekretari Blinken pohoi se Shqipëria është kryesore në përballimin e kaq shumë prej sfidave me të cilat përballemi dhe se ne mund t’i përballojmë në mënyrë më efektive së bashku. Sekretari falënderoi Shqipërinë për mikpritjen e saj ndaj afganëve, mbështetjen e saj për Ukrainën në Këshillin e Sigurimit të Kombeve të Bashkuara dhe për mbështetjen e saj për Ukrainën kundër pushtimit të tmerrshëm dhe të paprovokuar të Rusisë.
Ai vuri në dukje se lidhjet e biznesit vazhdojnë të rriten dhe diskutoi nevojën për të vazhduar forcimin e reformës së pavarur në drejtësi si pjesë thelbësore e nxitjes së rritjes ekonomike dhe përpjekjeve për pranimin në BE. Në përfundim të udhëtimit, Sekretari dhe Ministri i Jashtëm Igli Hasani nënshkruan dy marrëveshje bashkëpunimi, për kornizën kundër manipulimit.
j.l./ dita
