Deputetja e Partisë Socialiste Blerina Gjylameti I komenton deklaratat e Ramës në mbrojtje të komunitetit shqiptar në Londër, si mënyra e duhur që kryeministri të flasë për të drejtat e qytetarëve të vendit të tij.
“Përsa i takon bashkëatdhetarëve tanë dhe që jetojnë në Britani, unë besoj që është mënyra e duhur që Kryeministri i vendit të tyre të flasë për të drejtat e shqiptarëve, të flasë mbi atë që është kontributi i këtij komuniteti dhe të mos njësohet ajo çfarë është krimi i organizuar me atë çfarë është etnia, nacionaliteti apo çfarë është ai që nis me paragjykimin.
Është shumë e rëndë për çdo shqiptar të dëgjojë atë deklaratë të ministres së Brendshme britanike përsa i përket asaj çfarë ishte problemi i Britanisë në lidhje me krimin e organizuar. Dhe paskan qenë shqiptarët? Nuk e besoj këtë gjë. Nuk besoj që në një vend, kushdo qoftë vendi problemi i krimit të organizuar ka të bëjë me një nacionalitet. Nuk ndodh në asnjë vend të botës”, u shpreh deputetja socialiste Blerina Gjylameti.
m.b./dita
