Një aksident dramatik ka ndodhur në aksin rrugor Levan-Vlorë. Dy makina tip ‘Hyundai’ dhe ‘Opel’ janë përplasur rreth orës 09:50 të ditës së sotme. Nga pamjet duket se makina ‘Hunday’ që drejtohej nga 30-vjeçarja me inicialet I.D., është përmbysur. Ajo është lënduar dhe është dërguar me urgjencë në spital. “Rreth orës 09:50, në aksin rrugor “Levan-Vlorë”, automjeti tip “Hunday” me drejtuese shtetasen I. D., 30 vjeçe, banuese në Tiranë, është përplasur me automjetin tip “Opel” me drejtues shtetasin N. A., 43 vjeç, banues në Lushnjë, dhe për pasojë është dëmtuar shtetasja I. D., e cila ka shkuar në spital për të kryer ekzaminimet mjekësore”, njoftoi policia. Grupi hetimor po punon për zbardhjen e shkakut të aksidentit, nëse ka qenë tentativë parakalimi apo shpejtësia dhe humbja e kontrollit të mjetit nga një prej shoferëve.
