Ndërhyrjet e vështira tashmë po kryhen edhe në spitalet shqiptare.
Një ndërhyrje e shkallës së lartë të vështirësisë, ndërhyrje që kryhen në klinikat më të mira evropiane, u realizua me sukses edhe nga ekipi i Kirurgjisë Torakale në Spitalin Universitar “Shefqet Ndroqi” në kryeqytet.
Pas ekzaminimeve të thelluara dhe konsultave me mjekë pneumologë, kirurgë torakalë, imazheristë dhe mjekë onkologë, ku u diagnostikua me një tumor të rrallë (me Germ Cell-Tumor Seminomatoz i stadit të IV), pacienti 47-vjeçar Alfred Lika, i’u nënshtrua interventit me anë të një torakotomie për heqjen totale të tumorit, e cila rezultoi me sukses.
- Publicitet -
“Pacienti u shtrua në urgjencën e spitalit tonë në një gjendje të rënduar, me vështirësi në frymëmarrje të theksuar. Pasi u kompletua me të gjitha ekzaminimet e nevojshme, u konstatua se vuante nga një formacion gjigand. Në skaner duket që masa ka komprimuar tërësisht mushkërinë e djathtë dhe zemra është spostuar tërësisht majtas. Pacienti pasi u konsultua me stafin multidisplinar me mjekë radiologë, pneumologë, imazheristë dhe onkologë së bashku me kirurgë torakal, u vendos për të realizuar një radikalitet kirurgjikal. Fakti që kemi një suport më të mirë teknologjik në sallë u mor përsipër që te realizohet ky operacion që është i një grade shumë të lartë vështirësie, pasi bëhej fjalë për një tumor që kishte infiltruar perikardin dhe pulmonin e djathtë”, bën me dije Prof.Asc Fatmir Çaushi.
Sipas tij, aktualisht gjendja e pacientit është optimale, dhe se pulmoni i djathtë është totalisht i ventiluar dhe po bëhet gati për të dalë në shpi, ku do të ndiqet në vijim me trajtimet e përcaktuara sipas rekomandimeve të onkologëve.
p.k\dita
