Mediat në Serbi njoftojnë për mundësinë e blerjes së avionëve “Rafale” nga Franca. Presidenti i vendit, Aleksander Vuçiç, është takuar me përfaqësues të kompanisë “Dassault Aviation” prej nga ku është bërë e ditur se Serbia mund të blejë 12 avionë shumërolës “Rafale”.
Në një deklarim karakteristik për gazetarët Vuçiç ka thënë ndër të tjera se:
Ne duam të blejmë më shumë avionë, paratë nuk janë problem. Ne kemi gati 4 miliardë euro
Një mesazh miklimi në distancë për vende që kanë industri ushtarake, përmes të cilit presidenti serb synon neutralizimin e veprimeve të caktuara politike. Është e qartë se blerja e avionëve nga Franca do të shkëmbehet me mbështetje politike nga Parisi për çështje të hapura të Serbisë siç është Kosova. Ne e kemi parë të veprojë ky mekanizëm kur ish-kryeministri Berisha bleu katër helikopterë nga Franca në këmbim të një noteo pozitive për integrimin dhe procese të tij. Apo u dha çekëve të CEZ administrimin e OSHEE-së.
b.m/dita
