Wizz Air është shpallur sërish “Linja Ajrore me Koston më të Ulët” nga Çmimet e Qëndrueshmërisë World Finance për vitin 2025. Ky është viti i pestë radhazi që linja ajrore fiton këtë çmim, duke përforcuar më tej rolin e saj si udhëheqëse në industrinë e aviacionit, në një kohë kur sektori po përshpejton përpjekjet për të përmirësuar performancën mjedisore.
Juria e World Finance, e mbështetur nga kapacitetet kërkimore të drejtuara nga inteligjenca artificiale, e ka shpallur Wizz Air fituese për vitin 2025 për udhëheqjen e saj globale në fushën e qëndrueshmërisë. Vlerësimi vjen si rezultat i angazhimit aktiv të kompanisë në Aleancën për Aviacion pa Emetime (AZEA) dhe për mbrojtjen e politikave transformuese për klimën në ngjarje të rëndësishme si COP29.
Wizz Air vazhdon të operojë me nivelin më të ulët të emetimeve të karbonit për kilometër pasagjer: gjatë vitit financiar 2024[1], regjistroi një mesatare prej vetëm 52 gramë CO₂ për kilometër pasagjer – ndjeshëm më poshtë se mesatarja e industrisë[2] – falë një strategjie të fuqishme të rinovimit të flotës dhe ekselencës operacionale. Mbi 61% e flotës përbëhet nga avionët tepër efikasë Airbus A321neo, të cilët ofrojnë 20% më pak konsum karburanti dhe 50% më pak zhurmë krahasuar me modelet e mëparshme. Me një moshë mesatare prej vetëm 4.7 vitesh, Wizz Air operon njërën prej flotave më të reja në nivel global.
Yvonne Moynihan, Drejtoreshë për Çështjet Korporative dhe ESG në Wizz Air, u shpreh:
“Jemi të nderuar që kemi marrë këtë vlerësim prestigjioz për të pestin vit radhazi. Qasja e Wizz Air ndaj qëndrueshmërisë është e integruar në çdo aspekt të operacioneve tona — nga efikasiteti i avancuar i karburantit deri te investimet në teknologjitë e së ardhmes. Ne besojmë se rruga drejt emetimeve neto zero në aviacion varet nga një inovacion i përbashkët — midis vendimmarrësve, prodhuesve të karburantit dhe gjithë ekosistemit të aviacionit.”
Investimi në rritje i linjës ajrore në Karburantin e Qëndrueshëm për Aviacionin (SAF) ishte një tjetër element kyç që e veçoi Wizz Air në vlerësimin e jurisë. Kompania ka vendosur si objektiv ambicioz që deri në vitin 2030 të paktën 10% e fluturimeve të saj të furnizohen me SAF — duke tejkaluar kërkesat aktuale të Bashkimit Europian — dhe po krijon partneritete me pjesëmarrje aksionare me zhvillues të SAF për të shkallëzuar prodhimin afatgjatë.
Pikë shtesë u dhanë edhe për risitë operacionale, duke përfshirë përdorimin e përbërësve më të lehtë në avionë, sisteme inteligjente të menaxhimit të karburantit, dhe procedura si lëvizja në pistë me një motor e përdorimi i energjisë elektrike nga toka. Të gjitha këto masa kontribuojnë në kursime të ndjeshme të karburantit.
Rreth Wizz Air
Wizz Air operon një flotë prej 237 avionësh Airbus A320 dhe A321. Një ekip profesionistësh të dedikuar në aviacion ofron shërbim superior dhe tarifa shumë të ulëta, duke bërë që Wizz Air të jetë zgjedhja e preferuar e 62.8 milionë pasagjerëve në vitin 2024. Wizz Air është e listuar në Bursën e Londrës nën simbolin WIZZ. Kompania u rendit së fundmi ndër dhjetë kompanitë ajrore më të sigurta në botë nga airlineratings.com, agjencia e vetme në botë për vlerësimin e sigurisë dhe produkteve, dhe u shpall Kompania Ajrore e Vitit nga “Air Transport Awards” në 2019 dhe 2023. Wizz Air është njohur gjithashtu si “Kompania Ajrore me Kosto të Ulët më e Qëndrueshme” nga viti 2021 deri në 2024 dhe “Kompania më e Mirë Ajrore për Reduktimin e Karbonit” nga World Finance Sustainability Awards në vitin 2024. Wizz Air gjithashtu mori çmimin “Grupi Ajror i Vitit për Qëndrueshmëri Mjedisore në EMEA” nga CAPA-Centre for Aviation Awards for Excellence 2024.
Për më shumë informacion:
Komunikimet Korporative: [email protected]
V + O Communication: [email protected]
Na ndiqni në Instagram: @Wizzair
Na ndiqni në Facebook: @Wizzair
Na ndiqni në LinkedIn: @Wizzair
[1] Periudha mes Qershor 2023-2024
[2] Bazuar në të dhënat më të fundit të publikuara për intensitetin e emetimeve gjatë periudhës 12-mujore të konkurrentëve, ju lutemi vini re se për shkak të ndryshimeve në periudhat e raportimit, shifrat dhe afatet kohore mund të mos jenë plotësisht të përputhshme. Edhe pse është bërë çdo përpjekje për të siguruar saktësinë e të dhënave, mund të ekzistojnë mospërputhje për shkak të metodologjive të ndryshme të raportimit dhe proceseve të mbledhjes së të dhënave.
