Wizz Air forcon operacionet e verës 2026 në Tiranë me destinacione të reja, rritje të frekuencave dhe një avion të ri në bazë

Wizz Air, linja ajrore udhëheqëse në Shqipëri, vijon të forcojë praninë e saj në Aeroportin Ndërkombëtar të Tiranës me një zgjerim të rëndësishëm të operacioneve për sezonin Verë 2026, i mbështetur nga alokimi i një avioni shtesë në bazë.

Si pjesë e programit të Verës 2026, Wizz Air do të hapë katër linja të reja nga Tirana, duke zgjeruar më tej rrjetin e saj dhe duke përmirësuar lidhjet me tregje kryesore turistike dhe rajonale në të gjithë Europën. Linja ajrore do të nisë një linjë të re tre herë në javë drejt Tallinnit, e cila do të operojë të hënave, të mërkurave dhe të premteve, me fluturimin e parë të planifikuar më 22 qershor 2026. Një lidhje e re me Algheron do të operojë dy herë në javë, të mërkurave dhe të dielave, duke nisur nga data 24 qershor 2026. Fluturimet drejt Palma de Mallorcës do të nisin me dy frekuenca javore, të martave dhe të shtunave, nga data 23 qershor 2026, ndërsa linja e re drejt Radomit do të fillojë më 25 qershor 2026 me dy fluturime javore, të enjten dhe të dielën.

Paralelisht me hapjen e linjave të reja, Wizz Air do të rrisë ndjeshëm frekuencat në disa prej destinacioneve me kërkesë tëlartë nga Tirana, si përgjigje ndaj thirrjes së fortë gjatë pikut tësezonit veror. Krahasuar me sezonin e kaluar veror, rritjet e frekuencave përfshijnë:

• Tiranë – Milano Malpensa: nga 21 në 23 fluturime javore

• Tiranë – Stokholm Arlanda: nga 4 në 5 fluturime javore

• Tiranë – Malmö: nga 3 në 4 fluturime javore

• Tiranë – Torino: nga 11 në 12 fluturime javore

• Tiranë – Trieste: nga 2 në 3 fluturime javore

• Tiranë – Athinë: nga 7 në 9 fluturime javore

Këto rritje të kapacitetit bëhen të mundura falë alokimit të avionit të 15-të të Wizz Air në bazën e Tiranës gjatë pikut Verës 2026, duke i mundësuar linjës ajrore të përmirësojë fleksibilitetin e orareve, të rrisë numrin e vendeve të disponueshme dhe t’i shërbejë më mirë si kërkesë së dalëse, ashtu edhe asaj hyrëse, gjatë periudhës më të ngarkuar të udhëtimeve.

Në total, Wizz Air do të ofrojë 5.6 milionë vende dy-drejtimëshe për sezonin Verë 2026, të mbështetura nga operacionet me 15 avionë të bazuar në Tiranë gjatë pikut veror. Midis mesit të qershorit dhe mesit të shtatorit, efekti i kombinuar i linjave të reja dhe rritjes së frekuencave do të sjellë 120,000 vende shtesë dy-drejtimëshe, duke mbështetur më tej flukset turistike dhe lidhjen e Shqipërisë me tregjet kryesore europiane.

Salvatore Gabriele Imperiale, Menaxher i Komunikimeve Korporative në Wizz Air, u shpreh: “Shqipëria mbetet një nga tregjet tona kryesore të rritjes dhe ky zgjerim nënvizon angazhimin tonë afatgjatë për forcimin e lidhjeve dhe për ta bërë udhëtimin ajror gjithnjë e më të arritshëm. Duke alokuar një avion shtesë në bazën tonë në Tiranë, duke hapur drejtimet e reja dhe duke rritur frekuencat në disa nga linjat tona më të kërkuara për Verën 2026, ne u ofrojmë klientëve tanë më shumë zgjedhje dhe lehtësira, duke përmirësuar njëkohësisht lidhjet e Shqipërisë me destinacione kryesore europiane. Let’s Wizz, Tirana!”

DREJTIMET E REJA TË WIZZ AIR ME NISJE NGA TIRANA

Rreth Wizz Air

Wizz Air operon me një flotë prej 259 avionësh Airbus A320 dhe A321. Një ekip profesionistësh të dedikuar në aviacion ofron shërbim superior dhe tarifa shumë të ulëta, duke e bërë Wizz Air zgjedhjen e preferuar të 63.4 milionë pasagjerëve gjatë vitit financiar 2025. Wizz Air është e listuar në Bursën e Londrës nën simbolin WIZZ. Kompania është vlerësuar gjithashtu si “Linja Ajrore me Koston më të Ulët më e Qëndrueshme” gjatë viteve 2021–2025 nga World Finance Sustainability Awards. Në vitin 2025, Wizz Air kryesoi renditjen e emetimeve ndër linjat ajrore kryesore, siç u prezantua nga Cirium, një kompani analitike e aviacionit, falë punës së saj në uljen e intensitetit të emetimeve. Së fundmi, në shtator 2025, Wizz Air u vlerësua me çmimin “LinjaAjrore e Qëndrueshme e Vitit 2025” në gala-mbrëmjen e Airline Economics Sustainability Awards.

Për më shumë informacion:

[email protected]

[email protected]

Na ndiqni në TikTok @wizzair