Delegacioni i OSBE-ODIHR, që do të monitorojë zgjedhjet parlamentare të 11 Majit, ka zhvilluar paraditen e së mërkurës një vizitë në SPAK, që ka zgjatur për rreth një orë. Report TV sjell pamjet e momentit kur ata hyjnë brenda ambienteve të Prokurorisë së Posaçme.
Më 2 Prill, kur drejtuesi i misionit OSBE-ODIHR, Lamberto Zannier mbajti një konferencë për mediat, u pyet edhe për hetimin e krimeve zgjedhore dhe mundësinë e bashkëpunimit me SPAK për raportimin e shkeljeve.
Zannier tha se do të do të jetë bashkëpunues me autoritetet dhe metodologjia e tij do të mbështetet në stardardet e vendosura për vëzhgimin zgjedhor.
“Bashkëpunimi me autoritetet është i rëndësishëm, por gjetjet tona do të ndahen përmes raporteve zyrtare”, tha Zannier, duke theksuar se misioni do do të ndjekë metodologjinë e tij standarde të vëzhgimit.
j.l./ dita
