Komisioneri Shtetëror i Zgjedhjeve, Ilirjan Celibashi, ka regjistruar këtë të shtunë koalicionin “Bashkë Fitojmë” për zgjedhjet e 14 Majit.
Celibashi u shpreh se pjesë e këtij koalicioni do të jenë vetëm 3 parti: Partia e Lirisë, Partia Demokristiane dhe Partia Bashkimi për të Drejtat e Njeriut duke mos përfshirë në këtë mënyrë Partinë Demokratike të Sali Berishës.
“Në analizë të të gjitha çfarë përmenda, do të regjistrojmë koalicionin “Bashkë Fitojmë”, por me parti pjesëmarrëse, 3 parti politike, PL,PDK dhe PBDNJ. Me shenjë nistore të këtij koalicioni BF”, tha Celibashi.
Vendimi i Celibashit erdhi pasi Indrit Sefa, përfaqësues i Partisë Demokratike që mbështetet nga grupimi Alibeaj, u shpreh se partia që ai përfaqëson nuk ka bërë asnjë koalicion.
“Është përdorur emri dhe logo e PD nga persona të pa autorizuar dhe të pa legjitimuar”, tha Sefa.
o.j/dita
