Investimet në aparatura bashkëkohore dhe zgjerimi i stafit me mjekë të rinj në Spitalin Universitar “Shefqet Ndroqi” , kanë çuar në 3-fishim të rasteve të koronarografive të kryera në këtë spital.
Sipas të dhënave të bëra publike nga dikasteri i Shëndetësisë, vetëm në pesë muajt e parë të këtij viti janë kryer 700 koronarografi, duke ulur kështu ndjeshëm kohën e pritjes që pacientëve u duhet për të marrë këtë shërbim.
“Dr. Gentian Tola është mjeku i ri i punësuar këtë vit në Shërbimin e Hemodinamikës në Spitalin “Shefqet Ndroqi”, shërbim i cili është zgjeruar dhe për herë të pare, dhe po pret rastet urgjente kardiake edhe për qarqet e Durrësit, Elbasanit dhe Korçës”, bën me dije Ministria e Shëndetësisë dhe Mbrojtjes Sociale.
Në të 4 Njësitë e Hemodinamikës në spitalet publike u mundësohet rreth 8 mijë pacientëve në vit përfitimi i shërbimit të hemodinamikës falas. Që prej fillimit të ofrimit të shërbimit të hemodinamikës në vitin 2015, janë mbi 55 mijë qytetarë kanë përfituar paketat e hemodinamikës pa pagesë.
p.k\dita
