Familja e Samuel Eto’o po mban zi për vdekjen e babait të tij, David Eto’o, në moshën 71-vjeçare, në Yaoundé, Kamerun. Sipas mediave afrikane, babai i ish-futbollistit ka vdekur pas një sëmundjeje të gjatë. David Eto’o ishte baba i gjashtë fëmijëve, duke përfshirë ish-lojtarin e Barçës dhe presidentin aktual të Federatës së Futbollit të Kamerunit (Fecafoot), Samuel, i cili theksoi në më shumë se një rast rëndësinë e babait të tij në karrierë. Në një postim në Facebook, në vitin 2015, ai shprehu mirënjohjen ndaj babait të tij që “i ka treguar rrugën” dhe që ka transmetuar “vlerat e dashurisë, solidaritetit dhe punës”. Vëllai i Samuelit, gjithashtu David, ka ndarë një imazh me të atin në Instagram duke konfirmuar lajmin e hidhur. “Lamtumirë Mbombo”, ka publikuar ai duke e shoqëruar foton me disa zemra.
