Ministrja e Shëndetësisë Albana Koçiu ka inspektuar sot repartin e kirurgjisë pranë spitalit të Shkodrës, i cili një natë më parë u përfshi nga flakët.
Me anë të një postimi në rrjetet sociale ajo thotë se po hetohen shkaqet, ndërsa çdo gjë i është kthyer normalitetit.
“Në Spitalin Rajonal të Shkodrës bashkë me Kryetarin e Bashkisë Benet Beci pamë nga afër ambientin ku mbrëmë u përfshi nga zjarri një nga dhomat e mjekëve në pavionin e kirurgjisë, i cili u vu nën kontroll në një kohë rekord dhe shkaqet po hetohen.
Tashmë çdo gjë është kthyer në normalitet dhe pacientët e qytetarët marrin të gjitha shërbimet e nevojshme.
Faleminderit personelit mjekësor dhe forcave zjarrfikëse për reagimin në kohë që kjo situatë të kalonte pa probleme për pacientët e stafin mjekësor”, shkruan ministrja.
j.l./ dita
