Banorët e kompleksit, i cili u përfshi nga flakët një ditë më parë, kanë treguar përjetimet e tyre pas ngjarjes dhe shqetësimet për sigurinë e banesave.
Një prej banoreve tha se apartamenti i saj nuk është dëmtuar nga zjarri, por kërkoi që të ndërrohen të gjitha panelet e kompleksit, në mënyrë që të rritet siguria dhe të shmangen rreziqe të ngjashme në të ardhmen.
Ajo theksoi se banesën e ka blerë vetëm një vit më parë dhe shpreson që situata të mos përsëritet.
Ndërkohë, një tjetër qytetare ka shkuar pranë kompleksit për të kërkuar informacion për një familjar të saj, me të cilin nuk ka pasur kontakt që nga dita e zjarrit.
Ajo tha se telefoni i të afërmit është i fikur dhe nuk di asgjë për fatin e tij.
Banorët shprehen të shqetësuar për pasojat e incidentit, ndërsa vijojnë hetimet dhe verifikimet për shkaqet e zjarrit në kompleks.
j.l./ dita
