Presidenti amerikan Joe Biden, me anë të një video-mesazhi ka uruar shqiptarët dhe amerikanët në 100-vjetorin e vendosjes së marrëdhënieve diplomatike mes dy vendeve.
Videomesazhi i kreut të Shtëpisë së Bardhë u dha në një event që po mbahet në Tiranë me rastin e 100-vjetorit të marrëdhënieve mes dy vendeve.
Ndër të tjera, Biden solli në vëmendje ndihmën që Shqipëria po i jep Ukrainës në luftën kundër Rusisë si dhe strehimin e afganëve përgjatë viteve të luftës.
“Dërgoj urimet më të përzemërta për miqësinë jetëgjatë të SHBA-ve, ndërsa festojmë 100 vjetorin e vendosjes së marrëdhënieve diplomatike mes vendeve tona. Kur SHBA-të mbrojtën pavarësinë e Shqipërisë pas Luftës së Parë Botërore u krijua një miqësi e përhershme e popujve tanë, një dashuri e përbashkët për lirinë dhe vlerat e demokracisë të cilat nuk u thyen kurrë edhe në dekadat e diktaturës. Sot Shqipëria dhe SHBA janë aleatë në NATO dhe ne shikojmë se në të ardhmen SHBA do të vazhdojë të bashkëpunojë me Shqipërinë për të ndjekur rrugën drejt Bashkimit Evropian”, tha Biden.
Edhe ish-presidenti amerikan George Bush ka përcjellë mesazhin e tij për vendosjen e 100-vjetorit të marrëdhënieve të Shteteve të Bashkauar dhe Shqipërisë.
Mesazhi është lexuar në ceremoninë e 100-vjetorit të vendosjes së këtyre marrëdhënie nga ambasadorja amerikane Yuri Kim.
Në letrën e tij, Bush ka kujtuar vizitën e tij të parë në Shqipëri.
“Unë dhe Laura ju dërgojmë përshëndetjet më të ngrohta. Ky gur kilometrik është dëshmi e miqësisë. Në 2007 isha krenar isha krenar që isha presidenti që vizituam Shqipërinë. U bëmë dëshmitarë të mikpritjes tuaj të sinqertë. Jam i lumtur të shoh Shqipërinë dhe SHBA si aleatë. Shpirti shqiptar që kurrë nuk resht për liri dhe tradita juaj e besës janë vlera. Gëzuar të gjithëve 100-vjetorin”, ka shkruar në letrën e tij ish-presidenti amerikan.
j.l./ dita
