Arti i kuajve jeton në shumë aeroporte: Seattle dhe San Francisco kanë kuaj prej bronzi. Illinois Qendrore ka kuaj me tela të varur nga tavani; Tucson, Arizona, ka një kalë me krahë dhe Barcelona në Spanjë ka një kalë trupmadh. Por asnjë prej tyre nuk ka një kalë si ‘Blucifer’. Me lartësi 32 metra, jashtë Aeroportit Ndërkombëtar të Denverit, kali me ngjyrë kobalti, me sy demon, me vija venoze, ka tmerruar udhëtarët dhe ka mobilizuar teoricienët e konspiracionit, që kur mbërriti 15 vjet më parë. Cilësohet i frikshëm për çdo udhëtar dhe sikur i përket një ‘planeti horror’ dhe me qenie të frikshme.
Artisti Luis Jimenez e projektoi statujën, e njohur zyrtarisht si “Mustang”, për t’iu referuar muraleve meksikane dhe energjisë së jugperëndimit, me sy të kuq të ndezur, të destinuara si një homazh për punëtorinë e neonit të babait të tij. Në vitin 2006, ndërsa Jimenez po përfundonte skulpturën disa tonëshe me fije qelqi të derdhur, një pjesë u lirua dhe i preu për vdekje një arterie në këmbën e tij.
Tani për më keq po portretizohet edhe si një prognozë e COVID-19 apo si një racë reptiliane humanoide. Aktori Macaulay Culkin, shkroi në Twitter se; “Aeroporti i Denverit është vendi më i frikshëm që kam qenë ndonjëherë në jetën time!”. Disa të tjerë të teorive konspirative apo “Zëdhënësi i Illuminati”, kanë interpretim mbi një ankronim në statujë. Në Sallën e Madhe shkruhet: “AU AG”. Hepatiti viral apo ‘ethet e arit dhe argjendit’ në minierat e Kolorados? Pak rëndësi ka tani: Kali “Blucifer” ende i frikëson të gjithë…
