Pas shpalljes së pavarësisë së Shqipërisë, më 28 Nëntor 1912, ishte formuar Qeveria, me kryeministër Ismail Qemalin, e cila kishte filluar ngritjen e institucioneve të Shtetit Shqiptar.
Ndër to, më 17 dhjetor 1912, ishte marrë vendimi për themelimin e Shërbimit Sekret Shqiptar. Në këtë Vendim thuhej: “Të organizohet një shërbim i fshehur për vise të shkelura të Shqipërisë”.
Për organizimin e tij ishin ngarkuar persona konkretë, ndërmjet të cilëve: Lef Nosi e Bajram Curri.
Vazhdimësia e shërbimit sekret shqiptar ishte parë përsëri pas ardhjes së princ Vilhelm Vidit (në vitin 1913), gjatë Luftës së Parë Botërore dhe pas saj.
Më 21 janar 1920, Kongresi Kombëtar i Lushnjës kishte bërë organizimin e Këshillit të Naltë dhe kishte risanksionuar ndarjen e pushteteve, ligjvënës, ekzekutiv dhe gjyqësor, si dhe krijimin e Ministrisë së Brendshme. Më datë 24 dhjetor 1921, Ministër i Punëve të Brendshme ishte dekretuar Ahmet Zogu, i cili kishte bërë riorganizimin e MPB-së, duke krijuar dhe Seksionin Sekret. Drejtues i këtij Seksioni ishte caktuar Haki Stërmilli.
Parë në planin historik, shërbimi kryesor inteligjent shqiptar, gjatë kësaj periudhe, kishte pasur këto emërtesa: në vitin 1922, Sekretari Sekrete dhe, në vitet 1923-1939, Zyra Sekrete. Në nivel qendror, veprimtaria e shërbimit sekret do të drejtohej nga Zyra Sekrete, ndërsa në nivel vendor ishte drejtuar nga Prefekti, i cili kishte ngritur një zyrë të posaçme që merrej me “çështje rezervate”.
Në konsolidimin e institucioneve të Shtetit Shqiptar, nga janari 1927, kishte pasur rëndësi edhe organizimi i Shërbimit Informativ të Jashtëm, me qendër në Ministrinë e Punëve të Jashtme, e përfaqësuar nga selitë diplomatike, duke organizuar një rrjet informativ që kishte vepruar i lidhur me mekanizmin konsullatë – legatë -prefekturë.
Pas Luftës së Dytë Botërore, në periudhën dhjetor 1944 – mars 1945, Shteti Shqiptar i kishte kushtuar menjëherë rëndësi të veçantë krijimit të Organeve të Sigurimit të Shtetit. Këto kishin qenë vijuese të Shërbimit Informativ Ushtarak gjatë Luftës Antifashiste Nacionalçlirimtare.
Fillimisht, pas çlirimit të vendit ishte krijuar Drejtoria e Mbrojtjes së Popullit, në varësi të Ministrisë së Mbrojtjes, e cila kishte funksionuar deri në vitin 1946, kohë kur ishte krijuar Drejtoria e Sigurimit të Shtetit.
Në vitin 1966 ishte bërë riorganizimi në tri drejtori: e para e Kundërzbulimit, e dyta e Udhëheqjes dhe e treta e Zbulimit Politik, strukturë që e kishin ruajtur deri në vitin 1991.
Në vitin 1991 u krijua Shërbimi Informativ Kombëtar, me Ligjin nr. 7495, më datë 02.07.1991, “Për organizimin e Shërbimit Informativ Kombëtar.”.
Në vitin 1999, me Vendimin nr. 61, më datë 22.11.1999, të Gjykatës Kushtetuese të RSH-së u ndryshua emërtimi nga Shërbim Informativ Kombëtar (SHIK) në Shërbim Informativ i Shtetit (SHISH).
Drejtuesit e SHISH-it ndër vite:
01.08.1991 deri 29.06.1992 Irakli Koçollari
29.06.1992 deri 09.04.1997 Bashkim Gazidede
09.04.1997 deri 29.05.1997 Astrit Kodra (i komanduar)
29.05.1997 deri 21.08.1997 Arben Karkini
21.08.1997 deri 07.08.2002 Fatos Klosi
07.08.2002 deri 18.11.2002 Petrit Myftari (i komanduar)
18.11.2002 deri 27.01.2005 Kujtim Hysenaj
27.01.2005 deri 09.08.2012 Bahri Shaqiri
09.08.2012 deri 30.10.2017 Visho Ajazi Lika
01.11.2017 deri 05.11.2018 Helidon Bendo (ka kryer funksionin)
05.11.2018 e në vazhdim Helidon Bendo
Ne vitet 91- 97 e deri tani SHIK eshte perfshire ne veprimtari politike, vrasje dhe korrupsion. Le te permendim vrasja e Gjovalin Cekinit ne shkoder. Vrasja ose zhdukja e Remzi Hoxhes. Manipulimi i zgjedhjeve te 26 majit 1996. Atashimi i inspektoreve te SHIK apo SHISH prane partive pilitike duke u marre me veprimtari politike dhe spiunazh politik. Nje rast tipik spiunazhi politik eshte rasti i Marenglen Shytit i cili u emerua ne menyre te paligjshme ne sherbimet inteligjente te Forcave te armatosura.
Markus wolf ish drejtues i STAS-it te Gjermanise lindor ethoshte qe sherbimet jane shprehje e rendimetit te politikes! E thene shqip – Nje klase politike e korruptuar prodhon nje sherbim inteligjent te korruptuar!
Sherbimin sekret shteteror len shume per te deshiruar tani. Nuk ka me integritet ne ate institucion.Duhet nje reforme e thelle por shume e thelle ama dhe vetem Amerika mund ta beje kete nder per Shqiperine.