110-vjetori i Pavarësisë, mbahet sot mbledhja e dy Kuvendeve Shqipëri-Kosovë në Tiranë

Sot, për herë të parë Kuvendi i Shqipërisë dhe Kuvendi i Kosovës do të zhvillojnë një mbledhje të përbashkët të të gjithë deputetëve.

Mbledhja do të nisë në orën 10:00, në sallën e seancave plenare në Tiranë.

Në këtë mbledhje, deputetëve do t’u adresohen kryetarja e Kuvendit të Republikës së Shqipërisë, Lindita Nikolla dhe kryetari i Kuvendit të Republikës së Kosovës, Glauk Konjufca.

Mbledhja do të vijojë me fjalimin e kryeministrit të Republikës së Shqipërisë, Edi Rama në orën 10:25 dhe fjalimin e kryeministrit të Republikës së Kosovës, Albin Kurti në orën 10:35.

Nga një fjalë përshëndetëse do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.

Mbledhja përfundon në orën 11:35.

j.l./ dita