Këshilli Kombëtar i Rithemelimit, i cili u mblodh këtë pasdite ka votuar që në zgjedhjet vendore të futen me koalicion.
Këshilli ka miratuar Kryesinë e Rithemelimit që të përcaktohet skema e koalicionit, që do të thotë se Berisha në zgjedhje vendore do t’i fusë kandidatët nën siglën e Partisë së Lirisë, apo partive të tjera aleate.
Vendimi i fundit i Gjykatës së Apelit, që riktheu vulën e Partisë Demokratike tek grupi i Enkelejd Alibeajt duket se do të mbyllë çdo lloj dere bashkëpunimi mes dy palëve.
Gjatë mbledhjes së këshillit Kombëtar të Rithemelimit, Berisha bëri të qartë se do të ndërpresin çdo lloj bashkëpunimi me grupin e Alibeajt, duke i akuzuar si pengje të Edi Ramës.
Berisha thotë se Rama i përdori deputetët e grupit të Alibeajt në vendimin më armiqësor ndaj pluralizmit politik, atë të vulës së PD-së.
m.b./dita
Turp per kete plak te rrjedhur, e shkaterroi PD-ne. Me kete veprim ai, nuk berei gje tjeter vecse ia dorezoi PD-ne Ilir Metes