Festivali Folklorik Kombëtar i Gjirokastrës është tashmë në ditën e tretë të tij dhe vijojnë veprimtaritë e koncertet e shumta që kanë tërhequr qindra vizitorë. Ndërkohë skena e vendosur këtë vit në kalanë e Gjirokastrës është e thurur dhe ka ngjallur kureshtjen për mjeshtërinë që qëndron pas saj.
Genci Bejleri, drejtori organizativ i Festivalit zbulon më shumë për krijimin e kësaj skene.
Genci Bejleri: Skenografia ka lindur si një ide ose për arsye të lidhjes së skenës së Festivalit të Gjirokastrës dhe artizanatit. E gjithë kjo skenografi që shikoni këtu është e thurur me dorë nga një artiste spanjolle, është realizuar, është zbatuar nga një artiste spanjolle në bashkëpunim me 20 artizanë shqiptarë të cilët punuan për rreth një javë për ta mbaruar këtë skenografi. Në këtë skenë janë përdorur rreth 20 kilometra fije të cilat janë futur në mënyrë precize në mijëra brima të realizuara për këtë rast.
