23 gjyqtarë të rinj janë futur në sistem pasi përfunduan shkollën e magjistraturës.
23 gjyqtarët e rinj janë ndihmë për sistemin, i cili prej kohesh është në vështirësi megjithatë ata nuk janë ende mjaftueshëm.
Ndërkohë vakanca ka edhe në sistemin e hetimit.
Pak javë më parë Prokurori i Përgjithshëm Olsian Çela në raportimin e tij në Këshillin e Lartë të Prokurorisë tha se ka 116 prokurorë mungesë në sistem për shkak të vakancave.
Gjatë vitit 2021, asnjë prokuror nuk u emërua në sistemin e drejtësisë.
Shkak i kësaj situate u bë mungesa e vitit të tretë të magjistraturës, nga ku dalin prokurorët dhe gjyqtarët e rinj.
