Prokuroria e Tiranës kërkon gjykimin dhe dënimin e 4 biznesmenëve për akuzën e fshehjes së të ardhurave dhe falsifikimit të dokumenteve. Nga hetimet e prokurorit Bledar Valikaj ka rezultuar se biznesmenët Alban Ulkashej, Dritan Bylyku, Ana Zervoi dhe Roland Joti bënin fatura fiktive me biznese të çregjistruara ose me status pasiv për të shmangur tatimet në tregtinë e cigareve.
Veprimet janë bërë nga firmat “Inter Distribution Services” sh.p.k, me administrator aktuale shtetasen Ana Zervoi dhe subjekti “INTER TRADE & DISTRIBUTION”, më administratore po znj. Zervoi. Sipas Prokurorisë faturimet nuk nuk i përgjigjeshin realitetit dhe mënyrës së qarkullimit te mallrave.
“Inter Distribution Services” ka bërë fatura në vlerën 434.379.917 lekë, të ndara në vite, ndërsa “INTER TRADE & DISTRIBUTION” ka bërë fatura me vlerë 1.6.981.880 lekë, pra një dëm shtetit rreth 4.5 milionë dollarë.
Kërkesa për gjykim është dorëzuar në gjykatën e Tiranës prej mars 2022 dhe afro 3 muaj ende nuk është marrë një vendim nga dhoma penale. Ka qenë denoncimi i një tregtareje se në NIPT-in e saj ishin faturuar mallra të pa blera që ka zbuluar skemën e mashtrimit ndaj tatimeve. Sipas dosjes se siguruar nga Report Tv faturat e parregullta arrijnë ne vlerën e rreth 4.5 milionë dollarëve.
a.m/dita
Prape zbulimi i evazionit fiskal eshte rastesor, nga nje denoncim i dikujt dhe jo si rezultat i nje filtri dhe auditi te organeve tatimore te shtetit te vendosur mbi baza sistematike.
Duket sikur shteti ka ngrire dhe zvariset pas ingranazheve tekorrupsionit.
Keto te ngjethin mishin.
Pak kohe me pare, Drejtori i Pergjithshshemi regjistrimit te pronave, Artan Lame, deklaron pa i hyre gjemb ne kembe se pjesa me e madhe e regjistrave te kadastres se Tiranes jane fallsifikuar, jane zhdukur mijera flete, te grisura a te tjetersuara, pra nje inventar pronash qe nuk e njeh qeni te zone.
Edhe diktatura komuniste qe cpronesoi gjithcka e gjithkend dhe qe ktheu ne prona publike a shteterore toka, ngastra, livadhe, pyje, ndertesa dhe objekte prodhimi industrial, mineral a bujqesor, regjistrat e pronave dhe tapive nuk i preku, i ruajti e i la sic ishin.
Kujt i volisin keto ukubete, keto grabitje, keto mjegulla dhe corodira me pronat, me taksat, me koncensionet dhe monopolet, me PPP-te korruptive?
Zoti kryeminister, lere BE-ne te ndjeki rrjedhen e saj natyrore albanofobe se nuk lufton dot me “rip current” duke notuar kunder tij, por merru me shtetin tend, me themelet dhe me regjistrat e tij te pronave sepse aty fillon pikerisht atdheu i cdo qytetari dhe komuniteti.
Merru me evazionin fiskal dhe me denimin shembullor te korrupsionit dhe projekteve selektive qe i sherbejne klaneve dhe jo publikut, sepse aty fillon edhe prosperiteti social e individual si dhe funksioni i tregut te lire dhe konkurrences se ndershme.