Kryeministri Edi Rama ka ironizuar PD-në teksa komentoi nisjen e hetimeve të SPAK të kontratës 6 milionë dollarë në SHBA.
“Një kontratë patriotike, janë mbledhur disa patriotë që nuk dihet se kush janë dhe kanë grumbulluar 6 mln dollarë për të pastruar damkën nga balli i bufit të kënetës, damkën e SHBA për korrupsion madhor.
Pse duheshin 6 mln dollar nëse ishte damka e një komploti e Sorosit me mua dhe duke shfrytëzuar vulën e SHBA-ve, pse duhej kontratë dhe këto 6 mln dollarë për të vendosur në vend një padrejtësi kaq e madhe që u tha se do të vihej sapo të vinte në pushtet Trump? Pse duhej kontrata që është ku e ku më e lebetishme se kontrata e Lulit të shkret që u bë copash për të justifikuar ato 500 mijë dollarët fantazmë. Edhe ai ashtu tha ‘disa patriotë’ për paratë që ishin të lidhur me Rusinë.
Por 500 mijë, këto janë 6 mln dollarë ku pjesë e zjarrit patriotik është edhe sjellja e Latifit në Tiranë për ti vendosur kapelën bufit në kokë. Dmth për të vendosur një kapele në kokë që të duket si Trump, por versioni më qesharak i mundshëm, Latifi ka marrë pjesën e tij në ato 6 mln dollarë që kanë dalë nga barku i kënetës dhe që synojnë të realizojnë ata që na u tha se ishte një gjë e realizuar”, tha Rama.
Rama në rubrikën ‘Sy m’sy’, i është përgjigjur një komentuesi, i cili i kërkon të largohet nga posti i kryeministrit.
Rama tha se “ka dy mënyra për tu larguar një kryeministër në një vend demokrat. Njëra është kur nuk e ndjen më zjarrin brenda, gjë që s’më ka ndodhur ende. Nga ana tjetër, ti mund ta ndjesh zjarrin brenda, por njerëzit të thonë hap krahun.”
Ndër të tjera ai u ndal edhe te akuzat e opozitës, duke theksuar se “faqen e kam të bardhë pavarësisht sesa përpiqen të ma nxinë.”
“Kemi ende një rrugë për të bërë drejt fininishit. Jemi afër fininisht, por jo në finish. Sprinti drejt finishit është mandati i katërt për të anëtarësuar Shqipërinë në BE. Do të jetë gëzim shumë i madh kur ta realizojmë këtë mision historik.
Ka ende për të bërë, prandaj unë nuk largohem dot. Ka dy mënyra për t’u larguar një kryeministër në një vend demokrat. Njëra është kur nuk e ndjen më zjarrin brenda, gjë që s’më ka ndodhur ende. Nga ana tjetër, ti mund ta ndjesh zjarrin brenda, por njerëzit të thonë hap krahun. Për të parën unë kam një mision për të mbyllur dhe nuk jam këtu për asgjë çfarë thuhet dhe nuk jam ashtu siç po përpiqen të më pikturojnë prej shumë vitesh.
Mundësia për të bërë histori na ka ardhur në dorë. Është më 11 maj, duke u bërë më shumë se një shumicë aritmetike për të çuar procesin përpara. Unë faqen e kam të bardhë pavarësisht sesa përpiqen të ma nxinë. Koha do t’i vërë në vend të gjitha. Nuk mund të pretendosh të jesh në një arenë të mbushur me baltë dhe mos të të bëjnë pis. Qentë le të lehin, karvani ecën përpara”, tha ai.
j.l./ dita
Ka bere nje marreveshje personale diku dikur me nje force te erret. Nuk eshte vetja e tij, eshte i telekomanduar. Nuk terhiqet dot dhe po te doje, sepse po e beri do ti humbase te gjitha. Ky eshte mjerimi dhe ankthi i tij. Populli thote, i ka shitur shpirtin shejtanit.
Nuk ka aresyetim me te bukur o gjigand. Ec perpara ne rrugen qe te ka caktuar sovrani qysh me 14 maj 2023 kur te dha fitoren plebishitare ne 92% te terotorit dhe ne 56 bashki nga 61 qe ka vendi, rast unikal ne planet, dhe me 11 maj 2025 do hyjsh ne histori me mandatin e 4t si kryeministri me i sukseseshem ne 35 vite demokraci ne Shqiperi duke marre 84 mandate sic tregojne gjithe sondazhet e fundit deri tek ai i ores 22 .00 te dt.11 maj 2025. Je i madh o Gjigand.
Malokun doje ta vrisje te zbriste nga kali, ky i perveluari ja ndjen akom zjarrin, se nese ka pergjegjesi nuk ja ndjen hic. Shkurt muhabeti aty do i kemi, deri sa ti denojme me vote.
Votoni partite e reja.
Rama i duhet vendit edhe 4 vjet,nese realizon hyrjen ne BE do mbetet ne histori si KM i shekullit se dyti,largimi i Berishes nga politika behet realitet ne keto zgjedhje si dhe largimi i paraziteve politike,forcat e te dyja kraheve behen moderne dhe te besueshme per tu qeverisur.Ndaj dhe duhet te fitoje Rama keto zgjedhje .Kjo eshte ne interes te vendit jo per militantizem idiot.
Sa te rrijme te zbulojme rrenjet e ketyre Dy hajduteve,,Votojme Partite e Reja dhe flejme mendjen,E mbyllim kapitullin e Qeverrive Hajdute dhe Kryeministrave hajdute te permasave Globale.