Policia njoftoi të premten arrestimin e dy të rinjve në Durrës, fill pasi tërhoqën një pako nga zyrat e postës, brenda së cilës u gjet kanabis sativa e paketuar në formë çokollate. Policia tha se arrestoi dy 28-vjeçarë me banim në Durrës, ndërsa njoftoi se dërgesa me kanabis ishte nisur nga Belgjika në drejtim të Shqipërisë.
Ky është rasti i tretë i identifikuar në tre muaj, kur sasi të vogla kanabisi nisen me pako postare drejt Shqipërisë. Policia tha se përveç Belgjikës, kanabisi ishte trafikuar në dy raste të tjera edhe nga Mbretëria e Bashkuar.
Shqipëria ka qenë prej vitesh një burim i rëndësishëm i eksportimit të kanabisit drejt vendeve të BE-së dhe rruga e kundërt, edhe pse në sasi të vogla, flet për një trend të ri gjatë vitit të fundit.
Policia i ka koduar tre operacionet me emrin “Green mail” dhe ka arrestuar gjashtë persona. Më 18 gusht, policia e Durrësit sekuestroi dy pako kartoni të postuara nga Mbretëria e Bashkuar, brenda së cilës u gjendën 5 qese me pesë totale prej 340 gramësh.
Megjithëse destinacioni nuk ishte Durrësi, ajo ishte postuar në qytetin bregdetar. Porositësi i dërgesës së 18 gushtit, me iniciale M. V., dërgoi një 18-vjeçar për t’i dërguar pakot në Tiranë. Ky i fundit po udhëtonte me një taksi në momentin e arrestimit.
Gjatë një operacion më të hershëm më 30 qershor, policia arrestoi gjithashtu 2 persona. Një 64 vjeçare kishte shkuar të tërhiqte në një zyrë postare në Tiranë pakon e sjellë nga Mbretëria e Bashkuar me rreth 1.3 kilogramë të dyshuar si Kanabis Sativa, të cilën e kishte porositur një 34 vjeçar.
i.b. / dita
Shoke gazetare te gazetes Dita paskeni marre overdoze, Shqiperine nga eksportuesja me e madhe ne Evrope, po na e ktheni ne importuese.
Zoti paste meshire per ju dhe t’ju ktheje ne njerez normale, por sic duken bathet (bythet) goditja qe keni marre eshte e pariparueshme.