E rishikon SHBA “non gratën” e Berishës nëse fiton zgjedhjet? Si përgjigjet Escobar

SHBA  i ka hequr shpresat liderit të Rithemelimit Sali Berisha, për të ndryshuar vendimin për heqjen e “non gratës” edhe sikur të fitojë n zgjedhje.

Zëvendës Ndihmës Sekretari i SHBA-ve për Çështjet Europiane Gabriel Escobar, u shpreh se nuk ka ndodhur në asnjë vend që, një person me anë të zgjedhjeve, të ndryshojë përcaktimin e pozicionit të tij, pra të pastrojë figurën e tij politike.

Zyrtari amerikan tha se Shqipëria ka një të ardhme vërtet të jashtëzakonshme dhe duhet të fokusohet tek e ardhmja dhe jo të tërhiqet nga e shkuara, term me të cilin identifikoi edhe Berishën.

“Pozicioni ynë për këtë individ të veçantë është shumë i qartë. Por unë do të thosha se nuk njoh asnjë person që përmes zgjedhjeve të ketë arritur të ndryshojë përcaktimin e pozicionit të tyre prej Departamentit të Shtetit sipas legjislacionit tonë.

Po, thënë kjo, unë mendoj se Shqipëria ka një të ardhme vërtet të jashtëzakonshme dhe duhet të fokusohet tek e ardhmja. Dhe ka shumë njerëz që do të donin ta tërhiqnin atë në të shkuarën dhe unë nuk mendoj se ky është një vend ku Shqipëria dëshiron të shkojë”, tha zyrtari amerikan.

m.b./dita